Sipiika Among naraganisa okutendeka n'okutebeekanisa abanyeishengyero abatoorainwe

N'ebya Omunyamakuru Waitu

BUSIA:

Sipiika wa Paramenti, Anita Among naraganisa okukoresa amaani gye na ofiisi ye okutendeka n’okutebeekanisa abanyeishengyero abasya abatoorainwe.

Among hoona ori omuhwezi wakabiri omukazi wa chairperson w’ekibiina ekya NRM ebi abigambire nyomwabazyo ahamukoro gw’okusiima kwa NRM ahakishaayi kya Buwanda primary omu tauni kanso eya Masafu omu district eya Busia.

Sipiika Among naraganisa okutendeka n'okutebeekanisa abanyeishengyero abatoorainwe...(Photo by Simon Peter Tumwine)

Among agiizire ngu omukoro gw’okusiima oku gutebeekanisiibweho kujaguza Purezidenti Yoweri Museveni n’ekibiina ekya NRM ahabw’okukoragye omukaruuru k’eihanga akahweire, agumize ngu ekibiina kikeihayo pasenti ya 65% omu district ya Busia.

Sipiika Among naraganisa okutendeka n'okutebeekanisa abanyeishengyero abatoorainwe...(Photo by Simon Peter Tumwine)

Among asiimire Richard Todwong, omuhandiiki mukuru w’ekibiina ekya NRM ahabw’okureetera ekibiina obusinguzi omukaruuru k’eihanga akahweire.

Ogu asiimire abahagizi ba NRM ahabw’okurinda ekibiina, okutoorana abeebembezi basya b’ekibiina nokuha President obusinguzi na pasenti ya 71.65.

Sipiika Among naraganisa okutendeka n'okutebeekanisa abanyeishengyero abatoorainwe...(Photo by Simon Peter Tumwine)

Ahamukoro nigwo gumwe, Todwong agiizire ngu kampeyini z’ekibiina zikakorwagye agumize ngu Sipiika wa paramenti akashagika Ceeyamaani w’ekibiina kandi hoona owabaire akwatiire NRM ebendera omukaruuru ka mukuru w’eihanga hamwe na boona ababaire bakwatiire ekibiina ebendera.