Akaruuru k'okutoorana abajwekyerwa b'abakozi omu Paramenti

N'ebya Omushaki Waitu

KAMPALA:

Abajwekyera 630 b’abakozi nibaija kwerundanira ah’eishomero erya Kibuli Secondary School kutoorana abanyeishengyero 5 abarajwekyere abakozi omu Paramenti.

Akaruuru aka nikakorerwa ahansi y’engyenderwaho eya ‘Special Interest Group Framework’ erikushaba akakiiko k’eby’oburuuru okugiraho akaruuru k’okuronda abajwekyerwa b’abakozi omu eishengyero ry’eihanga.

Akaruuru aka nikatebekanisibwa akakiiko k’eby’oburuuru omu calendar y’akaruuru n’ekigyendererwa kya buri muntu kujwekyerwagye.

Julius Mucunguzi, Omugambirizi w’akakiiko k’eby’oburuuru naagira ngu akaruuru aka nikejumbirwamu abajwekyerwa kuruga omubigombe by’abakozi hamwe n’abakozi abatarikwegaitira omubigombe omu eihanga.

Abanyeishengyero aba baine obujunaanizibwa bw’okuhayo enshonga ezirikukwata ahabakozi omu eihanga omu eishengyero.

#WestUpdates
#UgandaDecides2026