Purezidenti Museveni araganiise kurwanisa obworo n’enguzi omu Uganda 2026-2031

N’ebya Omushaki Waitu:

Rwakitura:

Purezidenti Yoweri Kaguta Museveni nyomwabazyo ayakiire ekihandiiko ky’okugaruka kutooranwa nka President wa Uganda, arikuraganisa okurwanisa obworo, okukwatanisa abanya Uganda hamwe n’obwebembezi bw’emicwe omuncuro ye ensya.

Ogu ayaakiire ekihandiiko eki kuruga omukakiiko akakuru aka NRM aka CEC omumakagye Rwakitura omu district eya Kiruhura.

Purezidenti Museveni arikwakiira ekihandiiko ky'okutooranwa kuruga omu CEC

President Museveni asiimire Ruhanga, omukazi we Maama Janet Museveni, abeebembezi ba NRM, ebitongore aharimu ab’eby’okwerinda, abanyadiini, abeebembezi b’eby’obuzaarwa n’abanya Uganda.

Purezidenti Museveni na Maama Janet Kataaha Museveni ahamukoro gw'okujaguza okusinga akaruuru omuri Rwakitura...(PPU Photo)

Ogu naagira ngu obumwe n’obusingye nibyija kugaruka omu eihanga nikwo kushaba abanya Uganda kugumya obumwe.

Bamwe ahabeebembezi omukibiina ekya NRM ahamukoro ogu...(PPU Photo)

Museveni agambire aha puroguraamu eya PDM n’amatendekyero g’eby’emikono nk’omuringo gw’okumaraho obworo omumaka obwo arikujumirira okurwana omuby’obutegyeki n’obushomankuzi.

Bamwe ahabanyadiini abahikire ahamukoro gw'okujaguza obusinguzi bwa President Museveni omuri Rwakitura...(PPU Photo)

Purezidenti agiizire ngu Gavumenti ye eyeheireyo kurwanisa obushomankuzi n’enguzi hamwe n’okutunguura obuheereza omuby’amagara, eby’obwegyese n’okuhangaho emirimo.