‘Opposition’ neija kuhwaho omu Uganda twakora ahabirikuteganisa abanya-Uganda- Museveni.

N’ebya Omushaki weitu

KAMPALA

Purezidenti Yoweri Museveni nagira ngu aine amatsiko ngu gavumenti yaheza kukora aha buremeezi oburi omuntebeekanisa ya boona bashome omu mashomero ga gavumenti aga Purayimare, obushomankuzi, enguuto mbi, n’eibura ry’emibazi omu marwariro, abarikuhakanisa gavumenti nibeija kuhwa omu eihanga.

 
Omu kihandiiko eki ahandiikire bwanyima y’oburuuru bwa boona obuherize kuteerwa, Museveni agizire ngu NRM ekahandiika abateezi b’akaruuru 18,500,000 ahari 21,000,000 z’abateezi b’akaruuru omu eihanga ryona abayehandikiise n’akakiiko k’eby’oburuuru aka electoral commission obwo ebigombe by’obutegyeki byona ebindi bikeihayo abateezi b’akaruuru 2,000,000 zonka.

Purezidenti Museveni aine amatsiko ngu ebirikuteganisa abanya-Uganda byaheza kukorwaho, naabo abarikuhagira ebigombe ebirikuhabura gavumenti nibeija kwegaita ahari NRM.

Nagaruka ayoreka okukwatwaho ahabw’orubaju oruhakani abarikwiba oburuuru agumize ngu okufa kw’ebyoma bya BVVK gukaba omugisha gw’aborujabu orurikuhabura gavumenti narishi aba opposition ogw’okwiba akaruuru omu myanya myingi.

Purezidenti Museveni hoona ayorekire okukwatwaho ahabw’ebitaratambwire kurungi omu karuuru ka NRM primaries agumize ngu kikakyendeeza omubaro gw’abateire akaruuru ka boona.

#WestUpdates