Omuhwezi wa Siipika agambire aha kyokuza aha mukoro gwa Gen. Mohoozi.

N’ebya Mary Karugaba na John Odyek

Omuhwezi wa Siipika wa Paramenti, Thomas Tayebwa, agambire aha ky’okuza omu disiturikiti eya Bukedea ahi Siipika Anita Among ayakiire omuhabuzi mukuru wa Purezidenti aha mirimo y’omutaano, Gen. Muhoozi Kainerugaba omu kyanga ekya Teso.

Tayebwa naagira ngu omukoro gwa Sande oguhikirweho abantu baingi bakuru omu gavumenti gubaire gumwe aha kusiima kwa Siipika Among.

 “Aha mukoro, Siipika ayakiire abagyenyi abandi kandi nanye mbire ndimu. Tindikumanya yaaba bakuru b’amahe tibarikwikirizibwa kuza aha mukiro y’okusiima ahabw’okuba ekibaire kiri omuri Bukedea n’omukoro gw’okusiim,” Tayebwa arikushoborora.

"Nabwo, tindikumanya yaaba ekiragiro nikizibira abakuru abamwe omu mahe kuza aha mikoro y’okusiima. Okuhisya obundatunge obuhame, nkishobairwe…”.

Omuhwezi wa Siipika abaire nagarukamu enshonga ehairweyo Omuny’ishengyero wa Kira Munisiparite, Ibrahim Ssemujju Nganda omushabire kushoborora nk’oku agiire aha mukoro gwa Siipika Among omuri Bukedea.

Ssemujju naagira ngu omukoro ogu gukaba guri ogw’eby’obutegyeki kandi ekya Siipika n’omuhwezi we kwakiira omuserukare okiri omu mahe Gen. Muhoozi Kainerugaba aha mukoro ogu kibaasa kubarugiriramu obuzibu kandi babaasa kuhenderera omu kooti.

“Hariho omushango omu kooti aha nshonga y’okugira ngu yaaba omuserukare yaaba akiri omu mahe arikukora ayoreka orubaju omu by’obutegyeki. Enshonga egi ei nagambaho nkaba nagikugambiireho obunkureeba aha mukoro gw’amazaarwa ga Gen. Muhoozi Kainerugaba,” Ssemujju arikushoborora.

Tayebwa ashabire Ssemujju ngu omurundi ogundi agume ayegaite aha bany’ishengyero bataahi be aha mukoro nk’egi.

#WestUpdates