Purezidenti Museveni yabuganaho Malik Agar, Omuhwezi w’akakiiko akarikwebembera Sudan

N’ebya Omushaki Waitu

President Yoweri Kaguta Museveni yaabuganaho Malik Agar, ori Omuhwezi wa Ceeyamaani w’akakiiko akarikwebembera eihanga erya Sudan.

Omurukiiko oru orwaba aha State House, Entebbe eriizooba, Agar yagambiraho President Museveni ahambeera eri omuri Sudan obwahati.

Ogu yamugambira ahaby’okwerinda, eby’obutegyeki n’obuzibu obu eihanga ryine nekibariyo nibakora kugaruzaho obucurera.

Purezidenti Museveni yabuganaho Malik Agar, Omuhwezi w’akakiiko akarikwebembera Sudan...(PPU Photo)

President Museveni yayoreka omugasho gw’okugiraho ebigaaniro n’enkwatanisa omubyanga nk’omuringo gw’okumaraho orutaro n’okurwana.

Museveni yaagira ngu obusingye tikikuru ahabantu ba Sudan kwonka beitu n’okureetaho obumwe omukyanga eki.

Purezidenti Museveni yabuganaho Malik Agar, Omuhwezi w’akakiiko akarikwebembera Sudan...(PPU Photo)

Ebiro ebi, Malik Agar atwaire natayaayiraho abeebembezi batari bamwe aharimu kuza omuri Juba ahu aheireyo obutumwa kuruga owa Abdul Fattah Al-Burhan kuza owa President Salva Kiir n’okugaanira ahankwatanisa, eby’okwerinda n’okumaraho orutaro omu eihanga eri.