President Museveni abugaineho Gen. Mohamed Hamdan Dagalo owa RSF

N’ebya Omunyamakuru Waitu

Purezidenti Yoweri Kaguta Museveni nyomwabazyo abugaineho Gen. Mohamed Hamdan Dagalo, orikwebembera ekigombe ky’abanyambundu ekya Rapid Support Forces (RSF) omuri Sudan aha State House, Entebbe. 

Orukiiko oru rubaire rugyendereire okureeba okubakuhendera orutaro oruri omu Sudan n’okugaruzaho obumwe omukyanga eki.

President Museveni abugaineho Gen. Mohamed Hamdan Dagalo owa RSF,,(PPU Photo)

Orukiiko nirwijaho omubwire obu Sudan erikugumizamu kuteganisibwa orutaro orwabarukireho omukwakana 2023 ahagati y’amahe ga Sudan agarikwebemberwa Gen. Abdel Fattah al-Burhan hamwe n’ekigombe ky’abanyambundu ekya Rapid Support Forces (RSF). 

Okurwana oku okwatandikire omuri Khartoum kukaheza kukahika omubicweka ebindi omu eihanga kutsigire enkumi n’enkumi bafurukire omumaka gaabo, rwacumbagiza eby’obuheereza hamwe n’enjara y’amaani omuri Sudan.

President Museveni abugaineho Gen. Mohamed Hamdan Dagalo owa RSF,,(PPU Photo)

Omubigambo bye, Purezidenti Museveni ahaamize ebigambo bye ngu obusingye bukagarukaho omuri Sudan bagiraho ebigaaniiro hamwe n’okuruga omubutegyeki obw’okwebaganisamu.

Ogu ajumiriire obutegyeki bw’enganda n’enyikiriza, agumize ngu eki nikyongyera ahakwebaganisamu.

President Museveni abugaineho Gen. Mohamed Hamdan Dagalo owa RSF,,(PPU Photo)

Aharubaju orwe, Gen. Dagalo asiimire Purezidenti Museveni ahabw’okumwakiragye n’obwebembezi bwe agumize ngu n’eky’okureeberaho kirungi omuri Africa.

Hoona agiizire ngu nayenda bakwatanise na Uganda n’ekyanga kyona kutwariza hamwe omuby’obushuubuzi, eby’obwegyese n’enkwatanisa omuri Africa.