Purezidenti Museveni yashaba kuhabaho obutegyeki obw’ekigyendererwa

N’ebya Omunyamakuru Waitu

Purezidenti Yoweri Kaguta Museveni nashaba abanyabutegyeki okuruga ahabutegyeki bw’ebibiina beitu bakareebera ahabutegyeki obwine engyenderwaho agumize ngu entunguuka y’eihanga neretwaho program eziine ekigyendererwa.

Purezidenti ebi yabigambira guruupu y’abeebembezi nabakirinju ab’ebibiina ebya UPC na FDC kuruga omu districts 10 omukyanga ekya Lango.

Guruupu egi eyabugana President aha State House, Entebbe yaaba ekuriirwe kamanda w’enkambi eyakatano ey’amahe ga UPDF, Maj. Gen. Keith Katungi.

President Museveni, hoona ori Ceeyamaani w’ekibiina ekya NRM omu eihanga yaagira ngu okukwatanisa omuby’obutegyeki eshemereire kureebera ahabigyenderwa by’okutunguura eihanga.

Ogu yasiima orukiiko oru agumize ngu obutegyeki burungi bushemereire kuba nk’ediini erikureebera ahanyikiriza n’ebigyendererwa.