President Museveni ashabire abeebembezi ba NRM kushagika okuhangaho eby’obugaiga

N’ebya Omushaki Waitu

ENTEBBE:

Purezidenti Yoweri Kaguta Museveni nyomwabazyo abugaineho ba chairpersons b’ekibiina ekya NRM ahabwa za disiturikiti, endembo za munisiparite na divijooni aha State House Entebbe.

President Museveni ashabire abeebembezi ba NRM kushagika okuhangaho eby’obugaiga...(PPU Photo)

Omurukiiko oru, Purezidenti Museveni hoona ori Ceeyamaani w’ekibiina ekya NRM omu eihanga atabarukize abeebembezi aba ahabw’obusinguzi omukaruuru akahweire.

President Museveni ashabire abeebembezi ba NRM kushagika okuhangaho eby’obugaiga...(PPU Photo)

Purezidenti agiizire ngu areebire enkwatanise y’amaani omukaruuru akahweire wagyeranisa n’emyaka endijo, arikukishanisa n’obumwe n’enkwatanisa eyabaireho omukaruuru aka 1996 ahi abantu bashagikire NRM ahabw’omuringo gwayo ogw’omuramaho ebizibu.

President Museveni ashabire abeebembezi ba NRM kushagika okuhangaho eby’obugaiga...(PPU Photo)

Ahanshonga y’eby’obwegyese, Purezidenti Museveni agiizire ngu n’obu araabe yatandikireho puroguraamu ya boona bashome, beitu necumbagizibwa abashomesa abamwe hamwe n’obutafayo bw’abeebembezi.

President Museveni ashabire abeebembezi ba NRM kushagika okuhangaho eby’obugaiga...(PPU Photo)

Hoona ajumiriire emishango y’obushomankuzi namunonga omubukiiko bwa district obw’okugaba emirimo, okwiba amataka n’okwiba emibazi omumarwariro ga Gavumenti. Ogu ashabire abeebembezi ba NRM okwongyera amaani omukureebuza program za Gacumenti.

President Museveni ashabire abeebembezi ba NRM kushagika okuhangaho eby’obugaiga...(PPU Photo)

Ahanshonga y’okuhangaho emirimo, President Museveni ashoboroire ngu eby’obuhingi n’oburiisa nibikuru omukureetaho emirimo hamwe n’eby’obuheereza hamwe n’eby’amakorero okubirikutaho emirimo erikushashuragye.

Purezidenti araganiise okwongyera amaani omukukora ahabizibu by’abanya Uganda n’okutunguura emituriire n’eby’entaasya.