Ssentebe eyawakanyizza ekisanja kya Mubajje agobeddwa

 

Ali Ndawula Sekyanzi eyaliko.omubaka  wa Bamunaanika mu palamenti abadde amaze emyaka ebiri ng'akulembera olukiiko luno yagiddwaamu obwesige wakati mu kusika omuguwa mu bammemba mu lukiiko olwakubiriziddwa disitulikiti Khadi wa Luweero Sheik Ramadhan Mulindwa Nsanja olutudde ku kitebe ky'omuzigiti omukulu ogw'obusiraamu e Kasana

 

Kino kiddiridde Ndawula okwegatta ku basiraamu e Kampala  ne beekalakaasa nga bawakanya Mufuti Mubajje okweyongeza ekisamja oluvannyuma lw'okuweza emyaka 70 ne bawera n'okugenda mu kkooti kunsonga eno

 

Ndawula yabadde ayitiddwa mu lukiiko luno okwennyonnyolako ku bikolwa by'okwekalakaasa nga tabebuzizzaalo kyokka teyalinyeeyo kukumya ne basalawo kumuzza ku bbali olw'okubamyooma

 

Bammemba bagiddwaako amasimu ne bamnamawulite ne  balagorwa okugira nga baamuka olukiiko olw'okwesalamu kunsonga eno.era  wakatit mu kutaganjula ssemateeka w'obusiraamu okumala essaaeausamvu nga batakula emitwe baasazeewo okuzza Mdawula ku bbali omumyukawe Mohamed Matovu agire.ng'addukanya ekifokye

 

Ekiteeso ekigya obwesige mu Ndawula kyaleeteddwa Ahmed  Amuza Ibrahim  ne kisembebwa Ibrahim Lwetutte ne Mohamed Kalanzi Kajubi era bamemba 20 ne basemba

 

Disitulikiti Khadi yasomye akawaayiro 11 me 12 akakkiriza omumyuka wa ssentebe okugira mg'akola nga bwe  bategeka okulonda nga mwe yasinzidde n'alayiza Mohamed Matovu

 

Matovu olumaze okulayizibwa n''asuubiza okuweereza mu mazima n'obwesimbu

 

Omwogezi w'obusiraamu mu disitulikiti ya Luweero Uthman Basajjannaku Lubega ategeezezza nti oluvannyuma lwa Ndawula okugyibwa mu ofiisi takyavunaanyizibwa ku bigenda mu.maaso era byakola abikola ku lulwe

 

NDAWULA AZZIZZA OMULIRO

Ndawula yagambye nti ebyakoleddwa tebyabadde mu mateeka kuba teyeewozezzaako  n'akangazza nti akyali ssentebe kuba yalondebwa bantu nga be balina okuyita bamugyeko ssonga  teri nsonga za ssimba kwe baasinzidde okumugyako wabula okumulanga okwogera ku Mubajje

 

" Siyinza kuva kunjovu nzire ku kamyu era nninze bbaluwa ne resolution butwefuke kuba obusiraamu bw'e Luweero nze gwe bwetaaga', bwe yagambye