Sheikh Siliman Ndirangwa ayozezza ku munnye mu kuziika omugagga BMK

Eyali Supreme Mufti w'e Kibuli, Sheikh Siliman Ndirangwa akaabye n'abakungubazi abalala bw'abadde alombojja ebirungi omugenzi Dr. Hajji Bulaim Muwanga Kibirige amanyiddwa nga BMK by'akoledde ekika kye, ffamire ye, Obusiraamu ng'eddiini, Obwakabaka, ne Uganda okutwalira awamu.

Sheikh Ndirangwa ng'ayoza ku munnye

Agambye nti omugenzi yamuyamba kinene bwe yali akyasoma eddiini e Madiina mu Saudi Arabia,  n'atakoma okwo, n'amugulira emmotoka nga kw'otadde okuweerera abaana abava mu maka agateesobola.

Amb. Sheikh Rashid Yahayah asabye aba ffamire y'omugenzi okutwala mu maaso emirimu emirungi gy'akoze wamu n'emikwano gy'abadde nagyo.