Sheikh Ndirangwa asabye ku byenfuna bya ba Imaamu

Supreme Mufti eyawummula, Sheikh Silimani Kasule Ndirangwa Ssaalongo agambye nti ekitongole ky’akulembera ekya Sheikhs and Imaams Development Initiative Uganda kifungizza okulaba ng'ebyenfuna eya Ba imaamu n’abakulembeze b’Obusiraamu abalala birongooka.

Sheikh Ndirangwa agambye nti embeera Ba Imaamu mwe bawangaalira yennyamiza ekivaako abantu be bakulembera okubayisaamu amaaso.

Sheikh Ndirangwa (ku ddyo) N'abakulembeze Abalala.

Abadde Naggojje nga Abasiraamu baayo baamuyise alabe engeri gy’abasakiramu obuyambi okugaziya omuzikiti n’okusitula essomero erisomesa eddiini erya Hiqma Junior school Naggojje lisobole okutumbule eddiini.

Agambye nti ekitongole kyakuyamba Baimaamu okutandikawo emirimu egivaamu ensimbi n’okusinga okulima n’okulunda.

Abaana basomye Quran era sheikh Ndirangwa n’asiima ababatendeka.

Ayogedde ku by’okulekulira ku ntebe y’obwa supreme mufti n’agamba nti omukululo gwe yaleka gwemalirira kubanga Bakhaadi bavuga mmotoka mpya ttuku ze yabasakira okuva ewa pulezidenti Museveni.

Abakulembeze baloopedde Sheikh Ndirangwa abamu ku Basiraamu b’omu kitundu abatawagira pulojekiti z’obusiraamu.