Rishi Sunak asisinkanye Kabaka Charles III n’afuuka Katikkiro wa Bungereza omujjuvu
RISHI Sunak –Omusajja ‘Musaayi-mutabike afuuse Katikkiro wa Bungereza omujjuvu bw’asisinkanye Kabaka Charles III mu lubiri lwe olwa Buckingham Palace.
Rishi Sunak katikkiro omuggya owa Bungereza ng'abuuza ku Kabaka Charles III mu lubiri lwe olwa Buckingham Palace.
By Wilson Ssemmanda
Journalists @New Vision
Bya Wilson Ssemmanda
RISHI Sunak –Omusajja ‘Musaayi-mutabike afuuse Katikkiro wa Bungereza omujjuvu bw’asisinkanye Kabaka Charles III mu lubiri lwe olwa Buckingham Palace.
Sunak (ng’Obuvo bwe, bwe Buyindi) olumaze okusisinkana Kabaka agambye nti Bungereza (UK) eri mu katuubagiro k’ebyenfuna n’agamba nti kya muwendo nti Abangereza basazeewo okumuyingiza ofiisi atereeze ebizibu ng’ebimu byakoleddwa abadde Katikkiro Liz Truss, n’abeebaza okumwesiga.
Ku makya g’Olwokubiri Katikkiro eyalekulidde oluvannyuma lw’ennaku 45 zokka, Liz Truss yeewozezzaako nti bye yabadde agezaako okuleeta byabadde bya kuyamba lwakuba bakulembeze tebaamutegedde ne bamulemesa.
Sunak afuuse Katikkito wa UK owookusatu mu wiiki musanvu oluvannyuma lw’okuwagirwa ababaka b’ekibiina kye ekya Conservative Party abasinga obungi ekyaddiridde okulekulira kwa Truss.