Katikkiro Sunak yeetondedde bannansi ba Bungereza ng'alekulira
ABADDE Katikkiro wa Bungereza, Rishi Sunak yeetondedde Bannansi ba Bungereza oluvannyuma lw'ekibiina kye ekya Conservative Party okuwangulwa ekya Labour Party mu kalulu ka UK aka bonna akaakubiddwa eggulo n'alangirira nti oluva mu ntebe wa ku lekulira ne ku bwapulezidenti w'ekibiina kye.
Keir Starmer
By Bukedde Omusunsuzi
Journalists @NewVision
Bya Willy Semmanda
ABADDE Katikkiro wa Bungereza, Rishi Sunak yeetondedde Bannansi ba Bungereza oluvannyuma lw'ekibiina kye ekya Conservative Party okuwangulwa ekya Labour Party mu kalulu ka UK aka bonna akaakubiddwa eggulo n'alangirira nti oluva mu ntebe wa ku lekulira ne ku bwapulezidenti w'ekibiina kye.
Bino Sunak abyogendee mu ttuntu ly'Olwokutaano, bw'abadde afuluma ofiisi y'Obwakatikkiro n'okuzzaayo obukulu buno eri Kabaka wa Bungereza, King Charles III.
Ekibiina kya Labour Party kyawangudde ebifo 412 ku ebyo 650 ebiri mu Palamenti ya Bungereza nga kye ky'okudda mu buyinza oluvannyuma lw'emyaka 14 nga kiri ku ludda oluvuganya.
Keir Starmer 61, Munnamateeka y'agenda okufuuka Katikkiro wa Bungereza omuggya oluvannyuma lw'okukulemberamu ekibiina kye okuva lwe kyakola obubi ennyo mu kalulu ka 2019.