Poliisi eyigga ddereeva wa ttakisi agambibwa okutomera omwana ow'emyaka 13 n'emulumya.
Ddereeva ono atannamanyika bimukwatako abadde avuga mmotoka nnamba UBN 322 A kigambibwa nti atomedde omuyizi Ronnie Menya asomera mu Nawanjisi P/S n'amuleka ng'ataawa.
Poliisi eyigga ddereeva wa ttakisi agambibwa okutomera omwana ow'emyaka 13 n'emulumya.
By Godfrey Kigobero
Journalists @New Vision
Poliisi e Bugweri eri mu kuyigga ddereeva wa ttakisi agambibwa okutomera omwana ow'emyaka 13 n'emulumya.
Ddereeva ono atannamanyika bimukwatako abadde avuga mmotoka nnamba UBN 322 A kigambibwa nti atomedde omuyizi Ronnie Menya asomera mu Nawanjisi P/S n'amuleka ng'ataawa.
Akabenje kano kagudde ku kyalo Nawanjisi ku luguudo oluva e Iganga okudda e Tirinyi era nga mu kiseera kino, omwana aweereddwa ekitanda mu ddwaaliro ly'e Iganga.
Omwogezi wa poliisi mu Busoga East Micheal Kafaayo, agambye nti, ddereeva bw'amaze okutomera, mmotoka agisimbye ku poliisi y'e Busembatya, n'abulawo.
Mu ngeri y'emu era e Namutumba Magada, abantu abawerako ababadde bakung’aanye, basimattuse okufiira mu kabenje ddereeva wa FUSO nnamba UAU 233 A ebadde yeetisse ssukaali , Iddi Kayondo 47 bw'emulemeredde n'egwa ne yeefuula emirundi egiwerako e Kadangala ku luguudo oluva e Iganga okudda e Mbale