Omusomesa agambibwa okusobya ku mwana wa p7 eyagenze ewuwe mu kiro akwatiddwa
Simon Epeet, nga musomesa w'essomero lya Mpogo P/S mu muluka gw'e Walanga mu Ggombolola y'e Mpogo mu disitulikiti y'e Sironko, y'akuumirwa ku poliisi eyo, ku bigambibwa nti yasobezza ku muyizi w'ekibiina eky'omusanvu.
Omusomesa agambibwa okusobya ku mwana wa p7 eyagenze ewuwe mu kiro akwatiddwa
By Godfrey Kigobero
Journalists @New Vision
OMUSOMESA w'essomero lya gavumenti agambibwa okusobya ku muwala ow'emyaka 16, akwatiddwa poliisi.
Simon Epeet, nga musomesa w'essomero lya Mpogo P/S mu muluka gw'e Walanga mu Ggombolola y'e Mpogo mu disitulikiti y'e Sironko, y'akuumirwa ku poliisi eyo, ku bigambibwa nti yasobezza ku muyizi w'ekibiina eky'omusanvu.
Kigambibwa nti omuyizi ono, yavudde mu nnyumba y'abazadde be ekiro ku ssaawa nga 7:00 , nti kitaawe n'abaffamire ne ffamire ne batandika omuyiggo , kwe kumukwatira mu kazigo k'omusomesa.
Omwogezi wa poliisi e Mbale Rogers Taitika, agambye nti abazadde baatemezza ku poliisi kwe kumukwata ne bamutwala ku poliisi e Sironko gy'akuumirwa ng'okubuuliriza kugenda mu maaso.