Omubaka Katabaazi ajunye abaamalwaliro g'obwannannyini
ABASAWO Irene Namukwanya owa Lukaya Health Centre III ne Sr Geraldine Nabisubi owa St Monica Birongo ku lw'abalwadde baabwe beebazizza bonna abakwatizaako mu nkulaakulana y'amalwaliro gombi.
Omubaka Katabaazi ng'akwasa Sr. Geraldine Nabisubi ebitanda
By Ssennabulya Baagalayina
Journalists @New Vision
Musawo Namugwanya ategeezezza nti embeera mwe bakolera etiisa n'emiti emito obutasikirizibwa kusomera mulimo guno.
N'anokolayo ennyumba z'abasawo n'obusenge mwe bajanjabira gatako ebitanda kwe bazaalisiriza abakyala nti byennyamizza.
Wabula alaze essuubi olwa Bannalotale abeekolamu omulimo gw'okubazimbira ebisulo by'ababajanjabi.
Ate Sr Nabisubi agasseko nti abakyala bangi abafiira mu ssanya ng'obuzibu bwa mbeera embi mwe bazaalira.
Bino babyatudde bakwasibwa ebitanda eby'omulembe abakyala kwe bazaalira nga bibaweereddwa omubaka wa Kalungu East Francis Katongole Katabaazi by'abagulidde ng'ayambibwako mikwano gye.
Sr Nabisubi yeebazizza Katabaazi ne Minisita omubeezi ow'amazzi n'obutonde bw'ensi Aisha Ssekindi ne Tonny Tebakyayika abavuggyiridde eddwaliiro okulifunira matenite ey'omulembe.
Ate Musawo Namugwanya n'agatako nti Katabaazi abakoze bulungi kuba babadde bubi nnyo mu by'ebitanda.
Katabaazi abagambye nti ebizibu byonna tebiyinza kukolebwa mulundi gumu naye ajja kubikwatako kinnakimu.