Obubenje obulala busse 5 e Ssentema, Mabira ne Kabale

ABANTU abalala 5 bafi iride mu bubenje obw’enjawulo obwagudde e Sentema,  mu  Mabira n’e Kabale nga waakayita olunaku lumu  ng’abantu 11 bafi iridde mu kebenje  mu disitulikiti y’e Lwengo.
Ababiri baafi iridde mu kabenje ku luguudo lw’e Ssentema mmotoka bwe yalemeredde omugoba waayo  n’esaabala boda boda eyabadde eweese omusuubuzi. Akabenje kano kaaguddewo mu kitoogo ky’e Nakinyola okumpi ne ttawuni y’e Lukwanga mu ggombolola ya Wakiso Mumyuka mu disitulikiti y’e Wakiso ku ssaawa 2:00 ez’ekiro nga kavudde ku mugoba wa Ttipa UAY 385V, eyabadde etisse amayinja ng’eva e Ssentema edda mu Lukwanga okugaana okusiba n’esaabala boda UEW 139J, eyabadde eweese omusuubuzi w’edduuka mu Lukwanga Abdul Kyambadde n’omukyala Moureen  Namubiru eyasangiddwa mu maka ge ne bafi irawo.
AKABENJE MU MABIRA
Abantu babiri baafi riddewo n’abalala basatu ne baweebwa ebitanda mu ddwaaliro e Kawolo mu kabenje akaagudde e Buwola mu Mabira ku luguudo oluva e Kampala okudda e Jinja. Akabenje kaabaddemu mmotoka bbiri, Elf Isuzu nnamba UBQ 354 D n’endala Harrier nnamba UBE 827M nga zonna zibadde zoolekera Kampala. Abaafudde, kuliko Hadijah Mutesi ng’abadde mutuuze w’e Gayaza mu Wakiso, Annet Kyokusima nga w’e Lubowa mu Wakiso.
Abalala abalumiziddwa, kuliko Sumaya Nabakooza,34, nga w’e Namungoona Lubaga, Annet Nakyega nga w’e Makindye ne Absolom Isabirye nga w’e Ntebe era ddereeva w’emmotoka eyo.
Omwogezi wa poliisi mu Sezzibwa, Hellen Butoto, agambye nti, emirambo gyatwaliddwa mu ggwanika e Kawolo nga n’ebidduka byombi bitwaliddwa ku poliisi yomu Mabira.
AKABENJE E KABALE
POLIISI eri mu kuyigga emmotoka egambibwa okutomera n’etta omuvubuka abadde atambuza ebigere ku luguudo lwa Kisoro - Kabale. Urban Uwayezu ng’abadde mutuuze w’e Nyakabande mu muluka gw’e Gisorora mu Ggombolola y’e Nyakabande
e Kisoro, y’attiddwa mmotoka etannategeerekeka nnamba.