Munnamateeka asindikiddwa e Luzira ku by'okwenyigira mu kufera ddoola emitwalo 20!

MUNNAMATEEKA Drake Tumwebaze asindikiddwa mu kkomera e Luzira ku misango egyekuusa ku kufera ensimbi eziwera obukadde bwa ddoola emitwalo 20 wamu n'okugingirira ebiwandiiko.

Ono asimbidwa mu kkooti ya Buganda road mu maaso g'omulamazi  Alex Niyonzima n'agatiddwa ku musango oguzze guvunanibwa David Balondemu.

Kigambibwa nti munamateeka ono Drake Tumwebaze olumu eyeyita Kabatsi Wilberforce wakati wa March 2023 mu kampala nga ali wamu n'abalala okuli David Balondemu, Kasenge Martin, Ibona Joseph, ne Ronald kaweesa .

Munnamateeka Drake Tumwebaze Mu Kaguli Ka Kkooti (1)

Ono aludde ng’anoonyezebwa bambega ba kakiiko akakola ku kulwanyisa enguzi mu maka g'obwapulezidenti  ku bigambibwa nti y'omu ku beenyigira mu kufuna ensimbi eziri mu ddoola 200,000.

 Omulamuzi Niyonzima amusomedde amisango 4 okuli okufuna ssente mu lukujjukujju, okwekobaana okubba , okujingirira ebiwandiiko n'emirala  era nga ono emisango gyonna agyeganye.

Ono n’abalala kigambibwa mu 2022 ne 2023 beekobaana ne bafuna ddoolla 200,000 okuva ku Talib Antonio mcDowell of KG limited LL.

Omuwaabi wa gavumenti mu musango guno Teopister Nam asabye kkooti ereme kuyimbula ono kuba bamaliriza okunoonyereza ku musango guno.

Kyokka kino bannmateeka baTumwebaze bakiwakannyizza ne basaba omulamuzi akkirize omuntu waabwe yeeyimirirwe era ne balaga ne be babade baleese okumweyimirira.

Oluvannyuma omulamuzi omusango agwongeddeyo okutuusa nga June 13, 2025 lwe gugenda okutandika okuwulirwa .