Emisinde gya Bukalango givuddemu obukadde 58

Emisinde ejaategekeddwa okusonderako ssente ez’okumaliriza ekizimbe kya siteegi ya Mount Sion Prayer Center Bukalango, gyivuddemu obukadde bwensimbi za Uganda 58.

Fr Magembe ne banne nga badduka

Emisinde gyino, Bukalango Run One – Tudduke Tuzimbe, gyayindidde Bukalango, okumpi n’e Kakiri, ku Lwomukaaga lwa wiiki ewedde. Gyetabiddwamu abantu abasukka mu 3,000. Mubano mw’abaddemu abavubuka, abakadde, abaana abato, ne Bannaddiini. Munsennyooli Expedito Magembe, ng;ono y’eyatandikawo ekifo kya Mount Sion Prayer Centre, y’eyabadde omuddusi omukulu, era nga okubeerawookwe kwasanyusizza nnyo abantu.

Bukalango 5

Abaddusi baabadde mu bibinja 3; ekya kilomiita 5, ekya kilomiita 10, n’ekyabatasobola kudduka olw’obunafunafu, oba emyaka, eky’asinzeemu abaana abato ne Bannamukadde, era nga bano baakumbye bukumbi ngabakulemberwa bbandi.

Bukalango 6

Ssentebe w’olukiiko olw’ateeseteese emisinde jino, Polofeesa Robert Byamukama y’ategeezezza nti baabadde bamativu n’ebyavudde mu misinde gyino kubanga gwegwabadde omulundi ogusooka okusonda ensimbi ngabayita munkola eno. Y’ategeezezza nti omulimo gw’okuzimba gwakumalawo obukadde bw’ensimbi za Uganda 200, n’asaba abantu bongere okutona ensimbi, wadde nga emisinde gyawedde, omulimo gusobole okumalirizibwa.

Abamu ku bakadde abeetabye mu misinde

Ng'ojjeeko emisinde, waabaddewo n'okusanyusibwa abayimbi b'ennyimba z'eddiini ab'enjawulo, omwabadde aba Divine Love, ne kkwaya z'abaana abaavudde mumasomero ag'enjawulo.