Ebyabadde mu kuziika abadde ssentebe w’e Kamuli

MINISITA wa Gavumenti z’ebitundu, Raphael Magyezi, agambye nti waakuyungula ababazi b’ebitabo balondoole ssente akawumbi akalamba n’obukadde 300 ez’enguudo kye zaakola.
Okwogera bino yabadde ku mukolo gw’okuziika ssentebe wa LC5 e Kamuli, Charles Maxwell Muguude Kuwembula, eyafi iridde mu kabenje wiiki ewedde.
Magyezi yagambye nga bwe yakitegeddeko nti ssentebe Muguude abadde akwata ku ssente ze okuddaabiriza enguudo, okuli n’olugenda ewuwe mu ggombolola y’e Butansi.
Yagambye nti ssentebe okukwata ssente ze nga omuntu n’azissa mu mirimu gya gavumenti okuddaabiriza   enguudo kiraga nti ye ne kkanso babadde mu buwambe, nga tebalina ddoboozi liragira ssente zifulume,  enguudo ezaawomoggoka zikolebwe .
“Ssentebe okugula amafuta, bakole enguudo kindaze nti ssente akawumbi Gavumenti  z’eweereza tezirina kye  zaakola,” Magyezi bwe yagambye, n’agattako nti ajja kuyungula ababazi b’ebitabo bajje bazirondoole, kuba kirabika waliwo abaziriira mu kamooli.
Omukolo gw’okuziika gwetabiddwaako baminisita, bassentebe ba LC5, ababaka ba Palamenti , bakaminsona n’ebikonge bya Gavumenti ebingi. Omugenzi yafi iridde mu kabenje e Nakifuma ku lw’e Mukono Kayunga, bwe yabadde adda e Kamuli, kabangali
y’ekitongole gye yabadde avuga bwe yatomedde loole ekika kya Sino Truck n’afi irawo.
Kigambibwa nti omugenzi abadde akyogera lunye nti waliwo abamutambulirako nga baatuuka n’okumulungira obutwa n’atwalibwa e Germany gye baamujjanjabira
n’awoma.
Omugenzi era abadde yaakasimattuka obubenje bubiri ng’akaasooka kaamukosa nnyo n’atambulirako ku miggo okumala emyezi esatu