Basiimye Lutaaya olw'okufuuwa Oluzungu n'ateeseza ab'e Kakuuto
MUNNADDIINI n'omwami wa Kabaka basiimye omubaka Geoffrey Lutaaya olw'okulaga obuvumu ng'afukutira oluzungu mu Palamenti n'aggusa ebizibu by'abalonzi be ab'omu Kakuuto.
Basiimye Lutaaya olw'okufuuwa Oluzungu n'ateeseza ab'e Kakuuto
Omubaka Lutaaya baamusiimidde Kalungu gye yagenyiwaddeko ewa mubaka munne Francis Katongole Katabaazi ng'addizza ku balonzi be aba Kalungu East.
Fr Aloysius Kamulegeya nga ye Bwanamukulu w'ekigo Bukulula mu Kalungu agambye nti Lutaaya yalaze nti mu Palamenti yagenzeeyo kuteesezza bantu be.
Fr Aloysius Kamulegeya
Fr Kamulegeya yaggyeeyo eky'ensonga y'oluguudo lw'e Kasensero nti lubadde lufu ebbanga lyonna naye Lutaaya y'alutuusizza mu Palamenti nga kisigalidde Gavumenti okussa mu nkola .
Ate Omwami wa Kabaka omuggya ow'eggombolola y'e Bukulula Kasumba Bonny Kiddu Ssali agambye nti abasooka okunafuya Lutaaya nti tasobola Luzungu n'ebirala yabibakalizza ku matama.
District Khadh Sheikh Badiru Wasajja Kiruuta
Ye disitulikiti Khadh wa Masaka Sheikh Badiru Wasajja Kiruuta agambye nti Lutaaya okujja mu by'obukulembeze naye kimuwadde omukisa ogumulabako maaso ku maaso kuba mu biddongo gy'abadde ye tabigendamu.
Bonna bassizakimu nga basaba n'ababaka abalala balabire ku Lutaaya nga bateeseza abantu baabwe.