Ebintu byabukadde bisirikkidde mu muliro ogukutte ebbaala ne loogi e Kyankwanzi

EBINTU ebiwerako, bisirikidde mu muliro ogukutte ebbaala ne loogi e Kyankwanzi.

Omuliro gubadde Nalukonge A cell mu kabuga k'e Kyankwanzi , bwe gukutte Freedom Bar and Lodge ne gwonoona ebintu ebiwerako omuli ne ssente enkalu.

Kitegeezeddwa nti guvudde mu kifo eky'essubi ekiri embaga w'ebbaala eno mwe batundira ennyama y'embizzi ne gusaasaanira ebizimbe .

Kigambibwa nti mu bimu ku biyidde, mulimu Jenereeta, entebe, emmeeza, emifaliso, ttivi, firiigi, n'essente enkalu era ng'omuwendo gw'ebintu ebyonooneddwa, tegunnamanyika.

Ensonda, zitegeezezza nti tewali muntu alumiziddwa wadde okufiira mu muliro ogwo era ng'okunoonyereza kukolebwa.