Bannamawulire abegattira mu kibiina kyabwe ekya Lwengo Journalist Association bakuzizza olunaku lwabwe olukuzibwa mu nsi yonna buli nga 3/ May nga batambulidde ku mulamwa ogugamba nti “ Munnamawulire musaale mu buttoned bwensi”.

Emikolo gitandise n’okukumba nga akabonera akakuza olunnaku luno.

Bano  nga bakulembeddwamu abakulembeze n’abatuuze bakoze bulungi bwansi mu tawuni ye Kyazanga n’okusimba emiti egisoba mu 100 okwetoloola ekibuga kino nga n’eddwaliro lya gavumenti rya Kyazanga  HCIV tebalitalizza.

Bannamawulire basinzidde wano nebalaga obutali bumativu bwabwe ku bakuuma ddembe ababatulugunya kwossa ne bannabyabufuzi abasuse okubakozesa ensobi era nebasa abatuuze emiti egisimbiddwa bajirabirire

Abatuuze n’abakulembeze okubadde disitulikiti khadi Sheikh Ismeal Kibuule basiimye omulimu bannamawulire gwebakoze okusimba emiti n’okuyonja ekibuga wabula nebasaba ebitongole  ebikuuma ddembe  okukomya okubatulugunya.

Ye omubaka w’ekitundu kya Bukoto west  Muyanja Muhamad Ssentaayi  eyawomyemu omutwe mu kutegeka omukolo gwabannamawulire ( CORT) asiimye bannamawulire eranasaba bannalwengo okukomya okusanyaawo obutonde bwensi obuvudeko amataba okweyongera mu ggwanga.

Ate omwogezi wa poliisi mu Greater Masaka Twaha Kasirye yeyamye okukolera awamu ne bannamawulire era nabasaba okumutuukiriranga nga balina kyebetaaga.

Omubaka wa Gavumenti Hajji Ramathan Walugembe nga yabadde omugenyi omukulu ku mukolo guno yebazizza nnyo bannamawulire wabula nalabula abo bonna abesunga okukuula emiti egisimbiddwa bwekagenda okubajjutuka.

Oluvannyuma bannamawulire basembeza abagenyi babwe ne babagabula ekyemisana.