Bannaddiini abakoze mu mwaka 2022
Kalidinaali Emmanuel Wamala omwaka guno yawezezza emyaka egy’obukulu 96. Omwaka gwe gumu yawezezza emyaka 65 ng’afunye obusasedooti era yawezezza emyaka 28 nga Kalidinaali.
Omugagga Sudhir ng'anywegera ekibatu kya Kalidinaali Emmanuel Wamala gye buvuddeko ku kabaga Kalidinaali kwe yajagulizza emyaka 65 mu Busaseredooti
By Bukedde Omusunsuzi
Journalists @NewVision
lSsaabasumba wa Kampala Paul Ssemogerere: Yatuuziddwa nga Ssaabasumba wa Kampala ate June 26, yasisinkanye Paapa Francis ku St. Peter’s Basilica e Roma.
lSsaabalabirizi The Most Rev. Dr. Stephen Kazimba: Omwaka guno yavuddeyo n’akkakkanya Abazungu ng’akirangira mu lujjudde nti Kkanisa ya Uganda egenda kwekutula ku ya Bungereza kubanga teyinza kukkiriza eby’ekigwagwa bye bakola okukkiriza abantu ab’ekikula ekimu okufumbiriganwa ne babagatta mu kkanisa.
lSsaabalabirizi w’ekkanisa ya Seventh-day Adventist Church mu Uganda Pr. Dr. Moses Maka Ndimukika yatuuziddwa ku kifo ekyo ku mukolo ogwabadde e Najjanankumbi mu Kampala.
lOmusumba w’essaza ly’e Fort Portal, Robert Muhirwa yakulembeddemu abakkiriza okutegeka okulamaga e Namugongo nga June 3.
lMufti Sheikh Ramadhan Mubajje akulembedde Uganda Muslim Supreme Council n’ategeka okulonda kw’abakulembeze b’Abasiraamu wakati mu kuwakanyizibwa.
lOmutume Grace Lubega, ow’ekkanisa ya Phaneroo omwaka guno azze yeerandiza era y’omu ku basinga okubeera n’abagoberezi.
lJanuary 2022 Eklesia y’Abasodokisi mu Uganda yafuna Ssaabasumba omuggya Metropolitan Jeronymos Muzeyi era n’atuuzibwa omwaka guno.
lRt. Rev. Wilberforce Kityo Luwalira Omulabirizi w’e Namirembe yalangiriridddewo nti omwaka ogujja nga December 8, awummula.
lPastor Robert Kayanja yakuliddemu kkampeyini y’okusonda obuwumbi busatu n’obukadde 500 okugulira abakaramoja emmere okulwanyisa enjala mu kitundu ekyo.