Bannabyamizannyo bye beesunga mu Bajeti

BAJETI y'eggwanga ey'omwaka gw'ebyensimbi 2025/26 eya tuliriyooni 72 (obuwumbi 72,000) esomwa leero. Gye buvuddeko, ssaabawandiisi w'akakiiko akafuga emizannyo mu ggwanga (National  Council of Sports, NCS), Dr. Patrick Ogwel,  yawa Palamenti bajeti y’emizannyo ya buwumbi  508 okuva ku 282 eza 2024/25. Abakulembeze
ab'enjawulo mu bibiina by’emizannyo boogedde bye beesunga mu bajeti ne bye baagala  esseeko essira;
AHMED HUSSEIN, omwogezi wa FUFA; Omupiir  gwaffe bwe gunaaba gwa kukula, gwetaaga kuvujjirirrwa nnyo. Mu bajeti eggwaako, twafunye obuwumbi 17 kyokka kati twetaaga ezisukka obuwumbi 50 tugukulaakunye okuviira ddala wansi mu masomero n'akademi okutuukira ddala ku kiraabu ne ttiimu zaffe ez’eggwanga.
JOYSELYN UCANDA, pulezidenti wa Netball Uganda; Omuzannyo gw’okubaka gwetaaga okufunira ekisaawe ekyagwo.
Gavumenti ezimba bisaawe eby’okukozesa mu AFCON naye wadde bitereddwaako
awazannyirwa emizannyo  emirala nga okubaka, tekimala. Tekyawukanako na
ngeri gye tutaataaganyizibwa MTN Arena, ekozesebwa emizannyo egyenjawulo.
Mu bajeti eggwaako, twafunye akawumbi kamu, twetaaga waakiri obuwumbi
3 mu bajeti empya kituyambe okukulaakulanya obulungi omuzannyo gwaffeDOMINIC OTUCET, pulezidenti wa Uganda Athletics Federation; Tekyali muzannyo gweppima mu misinde mu kussa Uganda ku maapu y'ensi yonna n’okuwangula emidaali. Wano we
 nsabiira bajeti empya etuggye ku nsimbi obuwumbi 3 tudde ku 10. Kijja kutusobozesa
okubunyisa n’okusaggula ebitone ebipya tufune ba Joshua Cheptegei, Jacob Kiplimo, Stepehen Kiprotich ne ba Halimah Nakaayi abapya. Bajeti empya yandituyambye n’okuzimba ebisaawe okuli ekya Akii Bua, Kapchorwa, Pece War Memorial  Stadium, Kakyeka, King David IV e Tororo, n’ebirala twongere okubunyisa omuzannyo. Ekisaawe kya Teryet  High Altitude Centre e Kapchorwa, Gavumenti kye yaakatuzimbira kyawedde ku mutendera ogusooka wabula kikyetaaga okwongerako omutindo okutusobozesa okukikozesa
obulungiMOSES MUHANGI, pulezidenti wa Uganda Boxing Federation; Ssente ezisinga ziggweera mu kuzimba bisaawe bya mupiira ebigenda okukyaza AFCON neCHAN. Tekyandibadde kibi naye nze ow’ebikonde sirina kye mbifunamu. Nandisuubidde bajeti empya ebeemu enteekateeka y’okutuzimbira jjiimu, ttiimu
yaffe ey’eggwanga, The Bombers mw'etendekerwa. Twetaaga  n’ekisaawe ekibikke (Indoor Arena) mwe tuzannyira ebikonde.
Ssente eziweebwa ebikonde bugolo kyokka nga gumu ku mizannyo egisinga okutuwangulira emidaali n’emisipi ku mutendera gw’ensi yonna. Ndi musajja nnyo kuba  mu bajeti gye tumalako ntetenkanyirizza ku bukadde 200! Ekyewuunyisa,
NCS etwagaza okubunyisa omuzannyo mu disitulikiti za Uganda 145 ku binusu bino! Abeebikonde tuzzibwe ku buwumbi 3 n’obukadde 600 Palamenti ze yalagira mu 2022 okutuwanga. Twagala bajeti esobozesa ttiimu zaffe okuvuganya mu mpaka za Afrika n’ensi yonna kyongere omutindo mu bazannyi baffe 

Akatale k'abazannyi  

NEC FC ekansizza omuteebi Hudson Mbalire okuva mu  Wakiso Giants n’omuzibizi Warren  Buule owa Bright Stars. Eyogereza Titus Ssematimba owa  Kitara okusikira Ibrahim Thembo  eyabaabulidde.
l Kitara FC esattira olw'abazannyi 12 abaggweereddwaako endagaano. Bano ye;
Ronald Otti, Titus Ssematimba, Marvin Nyanzi, Patrick Kaddu, George Ssenkaaba, Crispus Kusiima, Living Kabon, Arthur Kiggundu, Moses Sseruyidde, Lazaro Bwambale, Benjamin Nyakoojo ne Farouk Yawe.
l USAMA Arafat azannya ku wingi ya KCCA endagaano ye yaweddeko. Marumo Gallants, Durban City ne TS Galaxy ez'e South Afrika zimwogereza.
l OMUTEEBI Ivan Ahimbisibwe owa URA endagaano ye eggwaako mwezi guno. KCCA ne Azam ey'e Tanzania zimwagala. l Tonny Mawejje abadde amyuka Steven Bengo mu Wakiso Giants kati y'asuubirwa okumyuka omutendesi Wasswa
 Bbosa mu Kitara FC.