Abukulira eby'ombulambuzi batudde okutema empenda

EKITONGOLE kye by'oblambuzi  kitongoza enteekateeka egenda okugobelerwa omwaka 2025 okutuuka 2030 nga etuumiddwa Uganda National Tourism Policy 2025 ku mukolo ogubadde ku Sheraton e Kampala era nga Uganda elina ekirubirirwa kya buwumbi 4 omwaka 2030 wegunatukira.

Doreen Katusiime omuwandiisi we Kitongole kye by'obulambuzi ng'anyonyola

Omukolo guno gwetabiddwaako  abakungu okuva mu kitongole kye by'obulambuzi nga bakulembedwamu Minister we by'obulambuzi Hon Tom Butime , Ps Doreen Katusiime , Akulira Uganda Tourism Board Juliana Kagwa n'abalala era bano basiimye gavumenti olw'okuteeka ensimbi mu by'obulambuzi .

Hon Tom Butime agambye nti eby'obulambuzi bireeta Obutabalika  11 munsi yonna n'agamba nti Uganda elina essuuubi nti omwaka 2030 Uganda yakuba n'abalambuzi obukadde 2.4 ate omwaka ogwo Uganda esuubirwa okukola obuwumbi 4 . 

Ono agambye bino byona byakutukibwaako singa gavumenti eyongera okuteeka ensimbi mu by'emizanyo , enguudo , wooteli , obutebenkevu , tekinologiya nebirala .

Mukwogera Butime agambye nti mu kiseera kino gavumenti ezimbye ekisaawe ky'omupiira ekye Hoima awagenda okusambibwa empaka za African Cup of Nations omwaka 2027 era nti empaka zino zakuleeta abantu bangi abagenda okuleeta ensimbi aba wooteli , abalina bye batunda , abalina ebifo ebisanyukirwaamu kwosa nebifo bye by'obulambuzi bonna bakufunamu .

Minister we by'obulambuzi Hon Tom Butime wamu ne Doreen Katusiime omuwandiisi we Nkalakalira mu Kitongole kye byobulambuzi nga batongoza ebinakolebwa omwaka 2030 wegunatulira

Assembyeyo nga agamba nti bino byona bisobola okutuukibwaako singa buli muntu , ebitongole bikwatagana bulungi  nategeeza abavugirizi nti balina omukisa okuteeka ensimbi mu Uganda  era neyeyama nti gavumenti nga eyita mukitongole kye by'obulambuzi bakwongera ensimbi mu by'obulambuzi .

Omuwandiisi wenkalakalira mu kitongole kye by'obulambuzi  Doreen Katusiime okuva mu kitongole kye by'obulambuzi ategezeeza nti  Strategic Policy eno yakuyamba nnyo okutumbula eby'obulambuzi era neyeyama nti  gavumenti yakugobelele enteeketeeka eziri mukitabo kino okwongera okukulakulanya eby'obulambuzi .

Ono agambye nti ebirubirirwa by'okukulakulanya eby'obulambuzi byabuli muntu sso ssi bantu bamu oba gavumenti yokka naye nasaba gavumenti okwongera okusaamu ensimbi okukulakulanya eby'obulambuzi .