Abawandiise wakati w'oluguudo lw'e Lwamata 'Protest Vote' poliisi ebayigga!

POLIISI y'e Lwamata ku luguudo oluva e Kampala okudda  Kiboga - Hoima, eyigga abavubuka abaawandiise ebigambo 'Protest Vote' wakati mu luguudo.

Abavubuka bano abagambibwa okuba nti babadde batambulira ku pikipiki, ebigambo bino, babiwandiisizza nnoni mu kkolaasi wakati mu kabuga k'e Lwamata , oluvannyuma ne babulawo.

Omwogezi wa poliisi mu Wamala, Lamerk Kigozi, ategeezezza nti guno musango era baatandikiddewo okubayigga, bakwatibwe era bavunaanibwe.

Alabudde abantu okwewala ebikolwa ebyefujjo ebiyinza okuvaamu obuzibu .