"Mwewale okuvuma n'okutyoboola bannamwe mu biseera bya kalulu"

OMULABIRIZI wa Luweero Wilson Kisekka asabye abantu okukuuma emirembe mu kiseera ky'okulonda omuli okwewala okuvuma n'okutyoboola' bannaabwe.

Asinzidde mu kusaba kwa Sekukkulu mu lutikko y'omutukuvu Makko e Luweero n'ategeeza nti Katonda y'alonda abakulembeze nga tulina okumusaba tuyite bulungi mu kiseera kino.

Asimbulizza enjiri okuva mu Lukka 2: 8 olugamba nti temutya kuba mbaleetedde amawulire ag'essanyu n'asaba abakristaayo okukozesa Ssekukkulu okwenenya ebibi bezze buggya mu maka gaabwe ne mu bifo gye bakolera wabeereyo essanyu.

Okusaba kwetabiddwako omukulembeze w'ennono okuva e Ghana Charles Henry Woode asabye bannyauganda nga bagenda okulonda bakuume emirembe.

Agambye nti emirembe okubeerawo mu ggwaga kivaako enkulaakulana ne bamusigansimbi okubettanira.

Omubaka wa Katikamu North, Dennis Ssekabira ategeezezza nti okutulugunya ab'oludda oluvuganya, abantu okubbibwako ettaka, obwavu, emirimu okubula mu bavubuka n'ebirala bimalako abantu emirembe n'asaba ababikola okweddako.