Abakulembeze b'akatale ka Kalerwe bataddewo ebiragiro

ABAKULIRA olukiiko  olutwala abakulira obutale n’abasuubuzi ku kaleerwe bataddewo ebiragiro  okuli okuggalawo obulyango obutono obuyingira n’okufuluma obutale , teri muntu atali musuubuzi agenda kuddamu kukirizibwa kuyimirira mu katale okumala eddaaki biri n’ekigendererwa ky’okwetangira ebikolwa by’ekitujju .

Kino kiddiridde abakuuma ddembe okugwa mu lukwe lw’omukyala agambibwa okuba omutujju gwe baakubye amasasi ku  katale k’oku kaleerwe  oluvannyuma bbomu ne bagitegulula , ku Mande abakulira olukiiko lwa Trade Order olutwala abakulira obutale ne bannanyini butale ku kaleerwe okusaawo ebiragiro ku bannanyini butale .

Abakulembeze nga balambula obutale

Sulaiman Gidongo akulira olukiiko lwa Trade Order yategeezezza nti  bataddewo ebiragiro ku batwala obutale n’abasuubuzi okulaba nga  boongera okunywezza ebyokwerinda  okuli okugalawo obulyango obutono bwonna obuyingira n’okufuluma obutale ,  Abasuubuzi abasula mu butale nga balinda ebyamuguzi balina okwewandiisa mu ofiisi , abasuubuzi balagiddwa obutakirizza  muntu yenna ayimirira kumpi n’emidaala gyabwe nga si muguzi

Yagasseko  n’asaba bannanyini butale okulabira ku banaabwe abaateeka kkamera mu butale  nga kino kiyambako okukendeezza obumenyi bw’amateeka obumu ku butale obulina kkamera kuliko aka Kajjubi, Freedom , Mpuuga ne Bivamuntuuyo nga mu butale buno mweziri obumenyi bw’amateeka bwakendeera.

Sulaiman Kigongo omuwi w’amagezi ku lukiiko lwa trade order yagambye nti  waliwo abaguzi ababadde n’omuze okuteresa abasuubuzi ensawo zaabwe mbu basooke bagule ebintu ebirala kino kiganiddwa teri musuubuzi akirizibwa kuterekeera kasitom