Bassentebe ba disitulitiki bayiiseemu kapyata z'emmotoka 196

Gavumenti  egulidde bassentebe ba disitulikiti ne bammeeya ba divizoni ne tawuni kanso  mmotoka 196 ekika kya kabangali (Toyota  Hilux Double Cabin) zibayambeko mu nkoa y'emirimu.

Katikkiro wa  Uganda  Robihan Nabbanja eyakiikiriddwa Minisita wa gavumenti ez’ebitundu  Raphael Magyezi  mu kukwasa mmotoka zino  eri abakawatibwako  ku mukolo ogwabadde ku kisaawe e Kololo ku Lwokutaano  yagambye nti zigendereddwa kwongera maanyi mu kulondoola enteekateeka za gavumenti mu bitundu .

“Mmotoka zino zirina kukozesebwa ku mirimu mitongole gyokka wabula singa wabaawo embeera eteewalika  ku nsonga endala kino kirina okukolebwa mu buwandiike,” Magyezi bwe yagambye,

Mmotoka zino ezaawemmense obuwumbi bwa ssente za Uganda 34 n’obukadde 200 zaatekeddwaako obukwakkulizo obukambwe  nga zirina kuvugibwaba baddereeva batongole.

Mmotoka zino bwe zinaasangibwa mu by’obufuzi zigenda kuboyebwa, baddereeva bagenda kuyita mu kutondekebwa mu nkozesa yaazo era nga zaateekeddwaako yinsuwa ya Comprehensive ya mwaka mulamba.

Mmotoka enkadde ze babaddee nazo baalagiuddwa  okuzikwasa basipiika ba disitulikiti  abagenda okusalawo okuziwa  abakozi abalala abali ku mitendera egiddirira.