Ttiimu ya Woodball eyongedde amaanyi mu mpaka z'ensi yonna

Empaka z’omuzanyo gwa wood ez'okubbiici eza Beach woodball circuit eza lawundi ey'okubiri zikomekkerezedda ku coco beach entebe n'abawanguzi abenjawulo nga ttiimu y’eggwanga ezikozesezza okwetegekera empaka z’ensi yonna eza woodball world cup ezitandika nga ennaku z’omwezi 26- 31 omwezi  ogwa July mu kibuga Pahanga ekya Malaysia.

Woodball 3

Omutendera gw'abasajja bakafulu guwanguddwa Geofrey Todwongo  owa Ndejje Corporate woodball club nga akung'aanyizza obubonero 32, Akram Wamala owa Makerere  kya kubiri n'obubonero 34 nga Edison Twesigye owa Digel woodball club  amalidde mu kya kusatu n'obubonero 35.

Omutendera gwabakazi  bakafulu guwanguddwa Joyce Nalubega n'obubonero owa minisitule ya Public service  37, Lilian Zawedde  owa Ndejje corporate woodball club kya kusatu n'obubonero 38 nga Joan Mukoova amalidde mu kya kusatu n'obubonero 40.

Abazannyi abali ku ttiimu y’eggwanga  bategezezza nti kano kabadde kaseera kalungi okwegezesa wa webatuuse nga beetegekera empaka z’ensi yonna eza Beach woodball world cup.

Christine Birungi nga yoomu ku bazannyi abagenda mu mpaka z’ensi yonna ategeezeza nti okufuna omukisa okuddamu okuzannya kimuyambye okugolola ensobi ze nga era mugumu nti webanaatukira okugenda e Malaysia ajja kuba ali ku foomu.

Woodball 8

Abazannyi 12 nga kuliko abasajja mukaaga n’abakazi mukaaga  bebagenda okukikirira eggwanga nga abasajja kuliko; Ronald Mulindwa, Robert Mutiibwa, Micheal Musaazi, Thomas Kedi ne Isreal Muwanguzi.

Abakazi ;ye Joan Mukoova, Christine Birungi, Florence Mukoya , Zawedde Lilian , Jackie Naula ne  Joyce Nalubega.

Omuwandiisi w’ekibiina ekiddukanya omuzannyo gwa woodball mu ggwanga Collins Ssemanda agamba abazannyi bataddewo okuvuganya okwamanyi.

Empaka zino zaali zasemba kutegekebwa wano mu Uganda mu 2019 nga Uganda yamalira mu kifo kyakubiri nga zawangulwa Chinese Taipei.