Bayungudde ttiimu z'ensero nnya

EKIBIINA ekitwala omuzannyo gwa basketball ekya Federation of Uganda Basketball Association (FUBA) kiyungudde ttiimu z’eggwanga za mirundi ena (4) omulundi gumu okwetagekera empaka ez’enjawulo ezijja mu maaso.

Ttiimu zonna ze z’abazannya empaka za 3x3 okuli abakazi n’abasajja abatasussa myaka 23 kw’ossa aba ttiimu enkulu ng’okutendekebwa kusuubirwa okutandika wiiki ejja.

Tony Drileba naye yayitiddwa

Empaka ze beetegekera

FIBA 3X3 U23/21 National League wakati wa July 3-9 mu kibuga Kinshasha ekya DR Congo, World Beach Games wakati wa August 6-12 mu kibuga Bali ekya Indonesia.

U23 National League Finals wakati wa September 13-15 mu Ulaanbaatar ekya Mongolia.

FIBA 3X3 Africa Cup wakati mu December mu kibuga Cairo ekya Misiri.

FUBA 3X3 University Tour mu June, 2023

FUBA 3X3 National Tour wakati wa August ne October, 2023.

Abayitiddwa U23 (abakazi); Aziida Nabayunga, Becky Longom, Tracey Namugosa, Bridget Aber ne Shakira Nanvubya (aba UCU Lady Canons), Agatha Kamwadda (JKL Lady Dolphins), Perus Namwenge (KIU Rangers), ne Mary Amaniyo (KIU Rangers).

Ey’abakazi enkulu; Hope Akello, Evelyne Nakiyingi, Leticia Owor, Ritah Imanishimwe (aba JKL Lady Dolphins), Sarah Ageno, Maureen Amoding, Zainah Lokwameri (aba JT lady Jaguars) ne Sharon Kirabo (KIU Rangers).

U23 (Abasajja); Fayed Baale (City Oil), Kevin Kasobya, Rogers Dauna (aba UCU Canons), Edgar Munaba, Henry Okoth, Peter Obleng (aba KIU Titans), Duncan Lubwama (owa JT Jaguars) ne Daniel Muganzi (Watoto).

Ey’abasajja enkulu; Ivan Muhwezi, Tonny Drileba, Titus Lual Odeke (City Oil), Innocent Ochera, Joseph Chuma ne Peter Obleng (aba KIU Titans), Arthur Wanyoto (UPDF), Umaru Ibanda Lwabaga (UCU Canons).