Gazelles efunye kapiteeni omupya
Mu kiseera kino, Gazelles bali mu kibuga Frankfurt ekya Girimaani gye baakubye enkambi okutendekebwa n’okuzannya ensiike ez’omukwano n’ekigendererwa ky’omutendesi waabwe omupya Goran Lojo okwetegereza abazannyi b’agenda okukozesa mu mpaka ezijja.
Asinde ng'atambuza omupiira.
By Gerald Kikulwe
Journalists @New Vision
OLUVANNYUMA lw’abadde kapiteeni wa Gazelles (ttiimu y’eggwanga ey’abakazi ba basketball), Flavia Oketcho okulangirira nga bw’awummudde, FUBA (ekibiina ekifuba basketball mu ggwanga) kimusikisizza Jane Asinde.
Asinde abadde yaakakomawo okwegatta ku JKL Lady Dolphins omulundi ogwokubiri ng’ava mu UTEP Miners Women basketball eya Texas University mu Amerika gy’abadde ku misomo okuva 2019.
Mu kiseera kino, Gazelles bali mu kibuga Frankfurt ekya Girimaani gye baakubye enkambi okutendekebwa n’okuzannya ensiike ez’omukwano n’ekigendererwa ky’omutendesi waabwe omupya Goran Lojo okwetegereza abazannyi b’agenda okukozesa mu mpaka ezijja.
Asinde, azannya ng’awerekera abateebi, azaalibwa Chrispin Oloka ne Janet Athieno ku kyalo Kanakisi mu Tororo era abadde asoma diguli mu byobusuubuzi ku University of Texas mu Amerika.
Oketcho abadde kapiteeni wa Gazelles.
Agava mu nsonda galaga nti Asinde essaawa yonna agenda kwegatta ku ttiimu z’e Bulaaya okuzannya pulo wabula yakomyewo mu JKL Lady Dophins nga bw’alinda ddiiru eno okuyitamu.
Mu July w’omwaka oguwedde, Asinde yayamba Gazelles okuteekawo ekyafaayo bwe yayamba ttiimu eyo okumalira mu kyomusanvu mu za Afrika eza FIBA Women’s Afrobasket mu Kigali ekya Rwanda.
Asinde waakumyukibwa Hope Akello azannyira mu JKL Lady Dolphins bakyampiyoni b’ekikopo kya liigi y’eggwanga eya basketball.