Abaduumizi b'ekikwekweto kya Operation Shujaa e Congo baweereddwa ebiragiro ebipya

Akulira ekikwekweto kya Operation Shujaa ekiyindira e Congo, Maj. Gen. Dick Olum , asisinkanye akulira eggye lya FARDC e Beni, Maj. Gen. Maloba Kasongo era ng'ensisinkano ebadde ku kitebe kya UPDF e Kasindi mu Congo.

Maj Gen Dick Olum , asisinkanye akulira eggye lya FARDC e Beni Maj Gen Kasongo Maloba.

Boogedde ku nsonga eziwerako ezikwata ku kikwekweto kino era ne babaako ebiragiro ebipya bye bawadde abaduumizi ab'enjawulo ab'ekikwekweto kino.

Ensisinkano eno, era egenderedde okukuba ttooki eri abasirikale abali mu kikwekweto kino engeri gye bakolamu emirimu nga beetegekera olukung’aana olunene olugenda okubeera e Fortportal amangu ddala.

Omwogezi w'ekikwekweto kino, Maj Biraali Katamba, agambye nti abaduumizi bombi, basiimye emirimu egikoleddwa abajaasi era ne babasaba okwongeramu amaanyi.