Wabaddewo akasattiro lukululana bw'ekutte omuliro n'ebengeyeza ku ttaawo lya ssaawa ya Queen

Wabaddewo akasattiro lukululana bw'ekutte omuliro n'ebengeyeza ku ttaawo waggulu okumpi ne ssaawa ya queen mu Kampala ku makya leero. 

Poliisi e Katwe, ebuuliriza ku kiki ekiyinza okuba nga kyekivuddeko omuliro guno ogukutte lukululana nnamba UBG 431 P/ UBG 168 P egambibwa okuba eya  Iron Air Force Company. 

E mmotoka eno, ebadde evugibwa Paul Gabriel Okada, kigambibwa ebadde yetisse bokisi omutali bintu okuva e Mukono okudda e Ntebe. 

Amyuka omwogezi wa poliisi mu Kampala, Luke Oweyesigyire, agambye nti dereeva abannyonnyodde nga e mmotoka bw'ebadde yafunyemu okubuguma mu ntandikwa. 

Agasseeko nti, basobodde okugizikiriza ng'okunoonyereza kugenda mu maaso