Uganda etongozza number plates z'ekitongole kya World Food program

GAVUMENTI ya Uganda nga ekwatagana ne Kitongole ekikola number plate za Tekinologiya ekimanyibwa nga Intelligent Transport Monitoring System batandiise okukola number plate ezigenda okukozesebwa ekitongole Kya World Food Program ( WFP) okusobola okutambuza emmere wamu ne byamaguzi okugenda mu mawanga agenjawuulo mu Africa awatali kufuna kutataaganyizibwa

Enteekateeka eno eyanjudwa  Apollo Kashaku okuva mu Kitongole kye byentambula mu Gwanga nga Ono akikiridde Minister we byentambula mu gwange Gen Katumba Wamala e Munyonyo .

Ono mukwogera agambye nti enteekateeka eno nkulu nnyo kubanga egenda kuwamba ekitongole Kya WFP okutambula nga tewali kutataganyizibwa ate nti abantu bangi nadala abavubuka bakufuna emirimu nadala okuvuga ebimotooka bino ebisoba mu 1000 ate nabantu ababundabunda bakufuna ebyetaago mubudde .

Amyuuka akulira WFP mu Uganda Marcus Prior yeebaziza gavumenti olw'okukwatagana n'ekitongole Kya ITMS okukola number plate zino kyagambye nti kirungi kubanga abantu bangi bakufunamu mungeri ezenjawuulo .

Amyuuka akulira WFP Murcus Prior mukutongoza number plate za WFP e Munyonyo

Ono agambye nti balina okukakasa nti batuuka mangu ku bantu abafunye obuzibu nolwekyo Number plate zino zakubayamba nnyo okutaasa obulamu bwa bantu era nti mukiseera kino abantu ababundabunda bayongodde okutuuka ku kakadde 1.9  naye nti emere yonna egulibwa ku bana Uganda .
 Joseph Tumwine okuva mu ITMS agambye nti number plate zino zanjawuulo kubanga tezirina flag yansi yonna ekitegeeza nti emotooka esobola okuyita buli wamu awatali buzibu ate abavubuka bangi bakufuna emirimu