Ssentebe wa Heavenly Culture World Peace Restoration of Light Man Hee Le asabye abantu okubeera ekitole mu kusabira  emirembe

SENTEBE w’ekibiina ky’obwannakyewa ekya Heavenly Culture, World Peace, Restoration of Light (HWPL). Man Hee Lee akunze abantu babeere kitole nga balwanirira emirembe.
“Mubeera babaka ab’emirembe okutuusa eddembe n’okwagalana mu bantu ab’ekyasa ekiddako” bw’aggumizza n’abalabula okwewala embeera eriwo eya Russia bwe yalumbidde Ukraine kati bali mu lutalo.
Agambye nti wano aba HWPL webasinziira okwongera okukunga ensi yonna etandikewo enkola enaleeta amateeka agali ku mutendera gw’ensi yonnna nga gatangira entalo.

Aby’ogeredde mu lukung’aana ttabamiruka ow’omulundi ogw’omwenda azze atuuzibwa buli mwaka okuva 2013. Omwaka guno yatudde May 25 wabula lubadde ku mutimbagano lwetabiddwamu abantu 3,000.
Abakulembeze ab’enjawulo mu byobubuzi, enzikiriza, eby’enjigiriza, emikutu gy’amawulire n’ebibiina ebirwanirira eddembe beetabye mu kukubaganya ebirowoozo ku nteekateeka z’okuzimba emirembe mu nsi.
Young Min Chung akulira International Peace Youth Group (IPYG), yawadde lipooti n’ategeeza nti abantu 730,000 okuva mu mawanga 176 okwetoloola ensi batadde emikono ku ndagaano okulwanirira emirembe mu myaka mwenda egiyise.
Agambye nti nga bayita mu misomo gya Youth Empowerment Peace Workshop (YEPW) batendese abavubuka ku ddembe ly’obuntu, eby’enjigiriza n’okubabangula kun kola z’okugonjoola obutabanguko.

Kaweefube gwe baliko kwe kulaba nga wabeerawo enkola ennungamu eziyitibwamu okugonjoola emirembe naddala enkola ezigoberera eddiini.
Ng’omu ku kaweefube okunyweza emirembe, HWPL yayongedde n’ekola endagaano ne International Organization for Religion and Knowledge ab’e Buyindi.
Supalak Ganjanakhundee owa Thammasat University era eyali omukung’aanya omukulu owa Nation e Thailand, yagambye nti kikulu okuleka abamawulire okuwandiika ku nsonga z’okuzza emirembe kubanga kiwa abantu omwagaanya okuginyweza.