Poliisi yennyamidde olw'abantu abattibwa ng'abaserikale bakola emirimu gyabwe

Poliisi eraze obwennyamivu eri abantu abalumizibwa n'okuttibwa ng'abantu baabulijjo balemesa abaserikale okukola emirimu gyabwe nga n'abamu batwalira amateeka mu ngalo.

Bagamba nti kino kiteekeddwa okukoma nti kubanga abamu ku baserikale balusuddemu akaba n'abantu baabulijjo ne bafa n'okuweebwa ebitanda.

Kiddiridde ensasagge eyabadde e Mayuge, omusibe gwe baabadde bagenze okukwata Alex Chuha agambibwa okwekobaana ne muganda we, ne bafumita omuserikale ekiso n'alumizibwa. \

Omu ku bano n'akubibwa essasi mu vviivi. Ate e Buko, omuserikale wa poliisi yakubiddwa essasi mu kugulu n'omuntu wa bulijjo naye n'alumizibwa, abaserikale bwe baabadde bagumbulula abatuuze abaabadde baagala okutta, agambibwa okuba omubbi.

Omwogezi wa poliisi mu ggwanga,Kituuma Rusoke, agambye nti kino kiteekeddwa okukomezebwa era n'asaba abantu okuwa abaserikale ekitiibwa n'okukolaganira awamu nabo, nga bakola emirimu gyabwe