Poliisi eyodde 5 abagambibwa okuba ab’omutawaana mu kubba n'okutigomya ab'e Mukono

Poliisi e Mukono ekoze ekikwekweto n'eyoola abantu bataano abagambibwa okubeera ab’omutawaana mu kubba n'okutigomya abatuuze.

Kino kiddiridde obutambi okusaasaanira emikutu egy'enjawulo, nga bulaga bakifeesi engeri gye baalumbye ekyalo ne batulugunya n'okubba abasuubuzi b'abantu ssekinnoomu , wakati mu kubatiisatiisa n'okubakuba.

Ebimu ku bintu bye baabakutte nabyo

Poliisi yasobodde okwetegereza obutambi n'eyigga abantu bano n'ebakwata era nga ku bo , kuliko abaana abato bana n'omukulu omu .

Amyuka omwogezi wa poliisi mu Kampala, Luke Owoyesigyire, agambye nti omuyiggo gw'abalala gugenda mu maaso , okulaba nga balwanyisa obumenyi bw'amateeka mu kitundu.