Poliisi etegese ebikujjuko by'okukuza olunaku lwa Africa Public Service Day
Mu bikujjuko bino ebinabeera mu kisaawe e Kololo mu Kampala, byakukuzibwa nga poliisi eyolesa ebyo by'ekola mu bitongole byayo eby’enjawulo eri abantu.
Poliisi etegese ebikujjuko by'okukuza olunaku lwa Africa Public Service Day
By Godfrey Kigobero
Journalists @New Vision
Poliisi eteegese ebikujjuko ebiwerako mu kukuza olunaku lwa Africa Public Service Day nga July 7.
Mu bikujjuko bino ebinabeera mu kisaawe e Kololo mu Kampala, byakukuzibwa nga poliisi eyolesa ebyo by'ekola mu bitongole byayo eby’enjawulo eri abantu.
Byakukulemberwa olusiisiira lw'ebyobulamu omuli okukebera akawuka ka mukenenya, n'ebirwadde ebirala, okugaba omusaayi, ku kitebe kya poliisi e Nagguru mu Kampala, awamu n'okuyonja bbaalakisi.
Akulira ebyobufuzi mu poliisi, Ulabold Bamunoba, agambye nti, baakukyalira Naggulu Remand Home, Bakateeyamba e Nalukolongo, Ssanyu Babies home e Namirembe babagabire n'ebirabo.
Asabye Bannayuganda okwetaba ku bikujjuko bino, okuli n'emizannyo egy’enjawulo mu ggwanga lyonna.