Poliisi erabudde abantu okuba obulindaala ku batujju!

NGA waakayita ennaku mbale ng'agambibwa okuba omutujju akubiddwa amasasi ku Kaleerwe mu Kampala, poliisi eyongedde okulabula abantu okubeera obulindaala.

Kiddiridde ebitongole by'ebyokwerinda okulondoola omukazi agambibwa okuba omutujju ng'atambulira ku bodaboda  ne bamukuba amasasi agaamusse ku Ssande nga tannatuusa bulabe ku basuubuzi mu katale ako.

Kigambibwa nti omukazi ono, yabadde n'ekisawo omuli bbomu era ng'abeebyokwerinda baagiteguludde nga yaakattibwa.

Omwogezi wa poliisi mu ggwanga, Kituuma Rusoke, alabudde abaddukanya ebifo eby'olukale omuli obutale, paaka, ebifo ebisanyukirwamu, wamu n'ebifo ebikungaaniramu abantu, okubeera abeegendereza ennyo nga baaza n'okwetegereza buli abayingira mu bifo ebyo.