Omuyindi alidde Obwakatikkiro wa Bungereza
BALONZE Rishi Sunak ow'omusaayi omutabike (Omuyindi) okufuuka Katikkiro wa Bungereza asoose ow’ekikula ekyo ng’adda mu bigere bya Liz Truss eyalekulidde wiiki ewedde nga yaakamala ennaku 45 mu ofiisi.
Sunak ng'awaga
By Benjamin Ssebaggala
Journalists @New Vision
Okulonda Sunak, kyaddiridde gw’abadde avuganya naye Penny Mordaunt okulemererwa okufuna omuwendo gw’ababaka 100 abamusemba okuvuganya ku kifo ekyo. Etteeka liragira nti omuntu okuyitamu alina okufuna ababaka 100 okuva mu kibiina kyabwe ekya Conservative Party ne bamusemba.
Sunak yeeyongedde amaanyi ku Mmande bwe bwakedde nga Boris Johnson eyali Katikkiro eyabadde akomyewo okuvuganya bwe yavudde mu lwokaano n’agamba nti ajja kudda ng’ekiseera ekituufu kituuse.
Bwagenze okuwungeera nga Sunak bamaze okumukakasa ku ky’omukulembeze wa CP ng’alindirira kumukakasa ku kifo ky'Obwakatikkiro wa Bungereza.
Truss ng’ajja mu ofiisi yasuubiza okusala emisolo wabula kyamulemeredde olw’embeera y’ebyenfuna enzibu eriwo bw'atyo ne bamuteekako akazito n’alekulira.