Amawulire
Omuwendo gw'abantu abafa omusujja gw'ensiri gweyongedde mu mambuka ga Uganda
MINISITA w'ebyobulamu, Dr Jane Ruth Aceng, ategeezezza Palamenti nti omuwendo gw'abantu abafa omusujja gw'ensiri gweyongedde mu bitundu bya Uganda.Aceng okwogera bino asinzidde mu lutuula lwa Palamenti olutudde ku Lwokusatu nga July 6, 2022 nga lukubirizibwa Sipiika Anita Among mwategeerezza nti ebitundu Malaria gy'asinze okwegiriisizza mulimu Karamoja, Acholi, Lango, Bukedea ne Busoga.
DR Ruth Aceng ng'annyonnyola ku musujja gw'ensiri
By: Wilson Ssemmanda, Journalists @New Vision
MINISITA w'ebyobulamu, Dr Jane Ruth Aceng, ategeezezza Palamenti nti omuwendo gw'abantu abafa omusujja gw'ensiri gweyongedde mu bitundu bya Uganda.
Aceng okwogera bino asinzidde mu lutuula lwa Palamenti olutudde ku Lwokusatu nga July 6, 2022 nga lukubirizibwa Sipiika Anita Among mwategeerezza nti ebitundu Malaria gy'asinze okwegiriisizza mulimu Karamoja, Acholi, Lango, Bukedea ne Busoga.
Sarah Opend omubaka omukyala wa Disitulikiti ye Tororo ng'annyonnyola ku bbula ly'omusaayi mu kitundu ky'akiikirira
Dr Aceng okwogera bino abadde ayanukula alipooti y'akakiiko k'ebyobulamu ku mbeera y'obuweereza mu bitundu omuli: Busoga, Elgon, Bukedi, Ankole ne Buganda: Ebimu ku kakiiko ke byazudde mwe muli okukendeera kw'eddagala lya Malaria, Acenge ky'agambye nti kyavudde ku kweyongera kwa balwadde, nga wano ababaka bawadde amagezi Gavumenti eteeke ssente mu bannassaayansi nga Polofeesa Patrick Ogwang (eyakola Covidex), okutandika okukola eddagala lya malaria.Dr Charles Ayume, akulira akakiiko kano ategeezezza nti baasanga ebyuma ebyafa naye nga tebikanikibwanga, era ne bakizuula nti ebikozesebwa tebitegekebwa bulungi.''Ku ddwaliro lya Tororo Hospital, ekyuma kya X-ray ekikyali ekipya kimaze emyaka ebiri nga tekikola nga kyakubwa amasannyalaze ageeyongeza nga bwe gakendeera mu kitundu.'' Lipooti bwe yasomye.Akakiiko kaawadde amagezi nti ssente eziteekebwa ku kuddaabiriza ebikozesebwa mu malwaliro zisaana zongezebwe okuva ku buwumbi 2 okudda ku buwumbi 10 buli mwaka okusobola okukanika ebikozesebwa ebyo mu budde n'okubikuuma nga bikola.Akakiiko era kaazudde nti waliwo ebbula ly'omusaayi nga ku kino omubaka omukyal owa Disitulikiti y'e Tororo, Sarah Opendi agambye nti kivuddeko okufa kw'abantu bangi mu kitundu kye.
Asabye ekitongole ky'omusaayi ekya Uganda Blood Transfusion okwongerwa ku ssente kibe n'obusobozi obukung'aanya omusaayi oguwerako.