Trump alonze omuduumizi omukambwe agenda okukuba Venezuela

PULEZIDENTI wa America, Donald Trump nga yeetegekera okulumba Venezuela essaawa yonna, alonze munnamagye, Lieutenant General Frank Donovan okuduumira amagye agatwala ettunduttundu omuli amawanga agali mu bukiikaddyo bwa America.

Okulondebwa kwa Gen. Donovan ke kabonero akaakasembayo akalaga nti Trump amaliridde okulumba n’okukuba Venevuela, amaamuleko Pulezidenti Nicolas Maduro gw’ayita Ssaabayaga era omubbi w’akalulu.

Donald Trump bw'afaanana

Gen. Donovan agambibwa okuba omukambwe namige ate nga mukugu mu by’entalo. Trump yamulonze okuduumira eggye lya Amerika erya Southern Command era erivunaanyizibwa ku bikwekweto ebiri mu kiti ekimanyiddwa nga Special Operations Command.

Eryo ly’eggye erivunaanyizibwa ku mawanga g’amaserengeta ga America gonna omuli ne Venezuela efugibwa Nicolas Maduro, musajja wa Vladimir Putin owa Russia.

Donovan kati y’ali waggulu w’abaduumizi bonna abali mu kikwekweto Southern Spear nga ly’erinnya erigenda okukozesebwa mu lulumba lw’okukuba Venezuela.