Amawulire
Kyagulanyi atalaaze Buvuma ng'awenja akalulu n'asuubiza enkulaakulana
Akwatidde ekibiina kya Nup bendera ku bwapulezidenti, Robert Kyagulanyi Ssentamu atandise okutalaaga disitulikiti y’e Buvuma ng'anoonyeza abakulembeze abeesimbyewo ku kkaadi y'ekibiina akalulu.
Kyagulanyi atalaaze Buvuma ng'awenja akalulu n'asuubiza enkulaakulana
By: Musasi Bukedde, Journalists @New Vision
Akwatidde ekibiina kya Nup bendera ku bwapulezidenti, Robert Kyagulanyi Ssentamu atandise okutalaaga disitulikiti y’e Buvuma ng'anoonyeza abakulembeze abeesimbyewo ku kkaadi y'ekibiina akalulu.
Kyagulanyi awerekeddwako Ssaabawandiisi w'ekibiina, Lewis Rubongoya nga bano batuukidde ku mwalo gw’e Kirongo we bavudde okweyongerayo ku kisaawe ky’e Kasali mu Town council y’e Buvuma.
Abakulembeze nga bakulembeddwa Susan Mugabi akwatidde ekibiina bendera ku ky'omubaka omukazi owa Buvuma baloopedde Kyagulanyi ebibanyiga okuli eky’okugoba abavubi ku nnyanja,obwavu, eby'obulamu n'ebyenjigirizza ebiri mu mbeera embi.