Enteekateeka z'okusaba e Namirembe ziwedde

AKULIRA ekitongole ekibulizi ky'enjiri mu bulabirizi bwe Namirembe Rev Stephen Lumu Lwasi akoowodde abakkiriza okugenda mu bungi ku litikko e Namirembe okwetaba mu kusaba okumalako omwaka mu kiro ekituumiddwa Namirembe Diocese  Cross OverNight.

 Rev. Lumu  asinzidde mu lukungaana lwa bannamawulire lwatuuziddwa ku lutikko e Namirembe nategeeza nti enteekateeka zonna ziwedde era n'akowoola abantu bajje mu bungi basobole okumalako omwaka 2025 n'okuyingirira 2026 mu maaso ga katonda. 

Ababuulizi ab'enjiri bakulembeddwamu  omulabirizi w'obulabirizi bw'e Namirembe Rt.Rev Moses Banja ,Can. Prof Olivia Nassaka Banja , Rev Moses  Naimanhye  okuva mu bulabirizi bwa Busoga,  Rev Stephen Lumu Lwasi,Rev Abraham Nkata Kato, Rev. Moses Ssenyonyi n'abalala. 

Awagenda okubeera okusaba

Okusaba kugenda kutandiika ssaawa 12:00 ez'akawungeezi  nga wagenda kusookawo okukumba  okwetoloola obusozi obukola Kampala era oluvanyuma abakkiriza baakwetoloola lutikko emirimu musanvu nga tebanaba kwetaba mu kusinza.

Rev Lumu ategeezezza nti eby'okwerinda binywezeddwa ku lutikko mu kifo awagenda okubeera okusaba n'okukyetoloola nga bakwataganye ne bitongole bye byokwerinda byonna mu ggwanga. 

Akunze abantu bonna okuli bannabyabufuzi, aba kola emirimu egyenjawulo nga ab'omubutale  okujja beetabe mu kusaba kuno.

Era alambuludde ku bukulu bw'ekiro kino ekya 31, nti bayibuli ekyogerako ng'ekiro  ekyokweyawula ku mwaka omukadde okugukutula ku gunaagwo olw'omuntu naayingira omwaka omupya mu maanyi.