Emizannyo gy'abaasomerako e Nabbingo gicamudde abantu

Abaasomerako mu Trinity College Nabbingo bategese empaka z’emizannyo, ezaagendereddwamu okusonderako ensimbi ez’okuzimbira essomero lino essomero lya ppulayimale. Essomero lino ly’erigenda okukola nga ekijjukizo eky’emyaka 75 egya Trinity College Nabbingo. Pulojekiti eno abaasomerako mu Trinity College Nabbingo beebagyiwomyemu omutwe.

Emizannyo gyabadde mukisaawe kya Uganda Institute of Information and Communication Technology e Nakawa, ku Lwomukaaga.

Neewankubadded nga enkuba y’aleeseewo okutaataganyizibwa, omukolo gw’abadde mulungi era gw’ajjumbiddwa bulungi.

Abaasomerako e Nabbingo emizannyo baagyizannyidde mu nnyumba zaabwe omw’abadde Alex, Tereza, Cecilia, Gorette, Monica ne Margaret. Baazannye emizannyo omw’abadde omupiira ogw’ebigere, ensero, okwepena, okudduka, n’okwesiba gomesi.

Ab’ekisulo kya Monica beebaawangudde empaka zino era nebaweebwa ekikopo ky’obwa kyampioni.

Pulezidenti w’ekibiina ky’abasomerako e Nabbingo, Marie Solome Nassiwa n’omukulu w’essomero lino, Immaculate Lwanga nabo emizannyo gyino baagyetabyeko