Abayizi be Namagunga banoonya obuwumbi mukaaga okuzimba ekizimbe ky'abayizi

Abaddukanya essomero lya Mount St. Mary’s College Namagunga batandise kaweefube ow’okunoonya ensimbi za Uganda obuwumbi 6, ez’okuzimba ekizimbe ky’essomeo lino ekipya. Kaweefube ono baamutandise n’ekijjulo ekyabadde ku Hotel Africana ku Lwokuna (December 4).

Abamu ku bawala abaabadde ku mukolo

Omukolo gwetabiddwako abantu bangi, okw’abadde abaasomerako mu ssomero lino, abayizi abaliyo, abazadde, aabasomesa, bannamikago, n’ab’emikwano.

Bweyabadde ayogerako eri abagenyi be, omukulu w’essomero, Rev. Sr. Regina Nabawanuka y’ategeezezza nti esomero ly’atandikibwawo Omubiikira Omuminsane, Mother Mary Kevin Kearney (eyali amanyiddwa ennyo nga Maama Keviina), mu 1942, era nga muntereeza yalyo, lyali lyakubeeramu abayizi 600, kyokka nga kati lirimu abayizi 1250, nga eno y’ensonga lwaki baasazeewo bazimbe ekizimbe ekipya, bakeendeeze kukanyigo, abaana basome bulungi awatali kukaluubirizibwa.

Omugenyi omukulu ng'ayogera ku mukolo

Y’ategeezezza nti ekizimbe kyakubeerako ebibiina ebisomereamu, etterekero ly’ebitabo, ekisenge ekinene abasomesa mwebasobola okutuula nebakola egyabwe, n’ekisenge ky’ebyuma bikalimagezi. Y’asabye bonna abalina akakwate kussomero lino okuwagira pulojekiti eno gyeyagamye nti ejja kubayamba kinene okutwala mumaaso ekigendererwa kya Sista Keviina eky’okusomesa n’okugunjula omwaana omuwala.

Baana bawala nga basanyusa abagenyi

Omukungu wa kkampuni ya MTN, Jemima Kariuki Njuguna, eyabadde omugenyi omukulu era nga yeeyakiikiridde Nankulu wa kkampuni eno, Sylvia Mulinge, y’asiimye nnyo ab’e Namagunga olw’okussa essira kukusomesa omwana omuwala.

Y’asuubizza nti kkampuni ya MTN yaakugenda mu maasp ng’ekolagana n’essomero lya Namagunga kubanga nabo eby’enjigiriza babisoosowaza nnyo, olw’okuba bakkirza nti gwemusingi gw’enkulaakulana y’eggwanga. Oluvannyuma y’ayanhudde ensimbi za Uganda obukadde 50, kkampuni ya MTN zeyawaddeyo okuwagira omulimo guno.

Abaana nga boolesa ekitone ky'okuyimba

Abamu kubaatonye kw’abaddeko Justine ne James Bwogi (obukadde 20), Robert Mbabazi (obukadde 3), Paul Muyanja (obukadde 3), Vincent Tumwijukye (obukadde 2), Fr, John Lule Foundation (akakadde 1), Paul Walakira (akakadde 1), Steel and Tube Industries Ltd (obukadde 10), Rogers Baguma (akakadde 1), Mary ne Hillary Bisanga (obukadde 5), Dr. Zam Nalule (obukadde 3), ne Namilyango College (obukadde 5).

Obukadde bw’ensimbi za Uganda 300 zeezaakungaanyizidddwa mubuliwo nemubisuubizo. Abayizi baasanyusizza abagenyi n'amazina, n'ebitontome