Ekkanisa ya Uganda ekungubagidde ayali akulira eddwaaliro ly'e Mengo

EKKANISA ya Uganda  ekungubagidde  eyali akulira eddwaliro ly’e Mengo  ssaako n’ekitongole ky’ekkanissa eky’obujanjambi   ekya  Protestant  Medical Bureau.

Zacharis  Kalega (87)  yayogeddwaako  ng’erafubana  okusitula  omutindo gw’obujanjabi mu ddwaliro ly’e Mengo mu kiseera  mwali  alikulira nga  era yasooka   kubeera akulira eby’eddagala mu ddwaliro lino

Su 6

Ssabalabirizi w’ekkainia  ya Uganda  Dr. Stephen Kazimba  yagambye  nti  Kalega abadde mulokole  awanamaddala  era akutte  ku bangi mu by’omwoyo  ne mu bulamu obwa bulijjo  ng’ayita  mu bibiina bya nnakwewa  by’abadde akulira .

 Bino Ssaalabirizi Kazimba  yabyogeredde mu kikanka  ya  St. John  - Kawuku mu busabadinkoni bw’e Luzira ku Lwokubi bweyabadde  abuulira mu kusaba  okw’okwebaza  Katonda  olw’obulamu bwa  Kalega  obubadde  obw’omuwendo eri eggwanga lyonna.

Yagambye nti Kalega   okutandikawo ekibiina ekiyambako ku bali mu bwetaavu ekya Hope by Need (HONU)  amasomero okuli pulayimale,Siniya n'ettendekero ly'ebyemikono mu Bukuya mu disitulikiti ye Kassanda  kwali kwolesebwa  okuva eri Katonda

Okusabira omwoyo gw'omugenzi

“Mu byonna   Kalega  okutandika  eddwaliro lya  Grade II e Kitokolo e Bukuya  ssaako n’okufuba  okukulaakulanya  ekkanisa y’omuluka   eya  All  Saints -  Kitokolo  okusitula  embeera  y’obualamu bw’abantu  obw’Omwoyo n’omubiri  kyakulwawo nga kimujjukirwako,”  Sabalabirizi Kazimba bwe yagambye.

Ye omulabirizi wa Kampala  eyawummula  Hannington Mutebi  yagambye  yeenyumiriza  mu Kalega  kuba  yamuwabula  ku ky’okusoma  diguli mu by’eddiini   okuba  ebisaanyizo oby’okulondebwa  ku bulabirizi byali bitandisi okukaluba  okuva ku dipulooma.

 Ye omulabirizi wa  Nimrembe eyawummula  Wilberforce Kityo luwalira  omugenzi  Kalega  yamwogeddeko    ng’omuntu eyalaba  ekkubo ly’obulokozi  ara  ng’afubye  okutambulira mu bwerufu mu byonna.

Namwandu Robinah Kalega  yagambye nti omugenzi bba  Katonda  yeyamumuwa  oluvannyuma  lw’okusaba  era  yaliba  ebisanyizo by’omusajja  gweyali yeegomba   okufumbirwa .

“ Nzijanjabye baze emyaka  etaano  n’omutima  guno  kuba  mbadde  musasula  ebyo byonna  by’amukoledde mu bulamu awatali ku njuza,”  Robinah Kalega  bwe yagambye .

Kalega  abadde mutuuze w’e Kawuku – Bunga  atuttte ekiseera ng’atawaanyizibwa mu mubiri okutuusa bweyafudde  ku nkomerero ya  wiiki ewedde nga waakuziikibwa ku Lwokusatu e Kitolo Bukuya  mu disitulikiti ye Kassanda